اللي يتبع في نور الحق

[بنت غريان]

اللي يتبع في نور الحق
و تشهد بأفعاله العباد
عمره لا خاف و لا شرق
لنفسه ديمة بالمرصاد
*****
اللي ديمة يوزن في روحه
و يبي نفسه ما تخطاش
و بالصبر يداوي في جروحه
و لوطا خشمة ما تواطاش
الزلة عنده مش مسموحة
و الخونة ما يعرفهاش
أحاسيسه ديمة مفضوحة
كان واتت ما يدرقهاش

على الصاحب ديمة نشاد
يفرج كان المولى راد
*****
ديمة نشاد على أصحابه
و ما ينساش قراب الدم
و حتى في أيامات عذابه
يغّلب في الشرهة عـ الهم
و يتبسم كان شاف أحبابه
بكل محبة يلاقيهم
و و ين يزرع يحصدها صابة
لا عمره سب و لا شتم

عنده الكلمة جبد زناد
و فارس في زناده جباد
***

منقوووووووووول

[طيب الرواسي]

شـكــ وبارك الله فيك ـــرا لك ... لك مني أجمل تحية .

[المختار]

كالعادة مبدعة يا بنية غريان ماشاء الله عليك

بس امانة لا تحرمينا طلتك علينا جميل ما نقلتى

ورائع ما اخترتى....

الله ايخليك